Captain Maggi´s Grumbeersupp 

Ihr Liewe...heit mach ich eich mòhl widda dè Suppe-Kaschba .

Denn nähwe Grummbeerkichelscha unn Hòòrische kamma aus Grummbeere nämlich aach è scheeni, schlotzischi Grummbeer-Supp mache .

Zèsamme mit nem Quetschekuche is das nämlich aach ähns vunn dè beschde, saarlännische Gerichde mit Grummbeere.

Das is aach garnit nit schwer zè mache, denn alles was nà fir è legga Grummbeer-Supp brauche, is:

- è Bund Suppe-Griehn (Gellariewe, Porré, Sellerie unn Peterling)

- paar Leffel körnisch Gemießebrieh

- Wasser

- Derrfleisch

- Peffer

- Crème-Fresch

- è Stabmixer

- è großer Dibbe

- unn selbschdvaschdändlich Grummbeere 

Zeerschdèmòhl missè nà es Derrfleisch, es Suppe-Griehn unn die Grummbeere in klääne Werfelscha schnibbeln.

Derrfleisch im Dibbe ahnbròòde unn es ganze Gemieß (ausser'm Peterling!) dèzu genn unn im abgedeckte Dibbe bissje broddeln losse.

Nòh paar Minudde mit Wasser komplett iwwagieße unn ordentlich paar Essleffel vunn dà körnisch Gemießebrieh dezu genn. Mit Peffer würze, Deckel druff unn bei mittler Hitz 20-30 Minudde broddeln losse. Zwischedorsch immer mòh widda umriehre.

Ahnschliessend alles mim Stabmixer zu nà scheen, schlotzisch Supp quirle.

Peterling klään hacke unn unnariehre..FERDISCH .

Eier Grummbeer-Supp am Beschde mit nem Klacks Crème-Fresch in dà Mitt serviere unn zèsamme mit nem scheene Stigg Quetschekuche mit Zugga unn Zimt genieße